„ომის დროს „აირზენა“-ში ვმუშაობდი და ზუსტად მახსოვს ის ხალხი, ვინც ჩემთან რეკავდა და საქართველოდან წასასვლელ ბილეთს მთხოვდა“ – ნინო გიორგობიანი

626 წაკითხვა

საქართველოს მთავრობის სტარტეგიული კომუნიკაციების დეპარტამენტის ხელმძღვანელი ნინო გიორგობიანი იმ ადამიანებს პასუხობს, რომლებმაც პრემიერი ირაკლი ღარიბაშვილი, უკრაინასთან დაკავშირებით გაკეთებული განცხადების გამო გააკრიტიკეს.

„დილიდან ვაკვირდები შეფასებებს, რაც პრემიერის მიერ გაკეთებულ განცხადებებზე გაკეთდა. ირაკლი ღარიბაშვილი არის ადამიანი, რომელიც ყოველთვის სიმართლეს ამბობს და თავის თავზე იღებს დარტყმებს. ამბობს სიმართლეს, რაც არ უნდა არაპოპულარული იყოს ის.

მან თქვა რომ :

საქართველოს არავითარი საფრთხე არ ემუქრება; მან განაცხადა, რომ საქართველოში ვახორციელებთ ეროვნულ, პრაგმატულ პოლიტიკას; ანტისახელმწიფოებრივი, ანტიეროვნული და გაუთვლელი პოლიტიკა საქართველოში დასრულდა.

ეროვნული ინტერესების და ხალხის ინტერესების გათვალისწინებით, არ აპირებს რუსეთისთვის დაწესებულ ფინანსურ და ეკონომიკურ სანქციებს შეუერთდეს;

ოპოზიციის ამოცანაა, პროვოკაციების მოწყობა და იმ უბედურების განმეორება, რომელიც 2008 წლის აგვისტოს ომში მათ ვერ აირიდეს.

პიარისთვის უსაფრთხოების საბჭოს სხდომის გამართვასა და პარლამენტში მისვლას არ აპირებს;

უკრაინაში ჩასვლას არ აპირებს, რადგან ჩასვლა ჩასვლისთვის არაფრის მომცემია, უკრაინის საჰაერო სივრცე დაკეტილია და არათუ ის, არამედ მსოფლიოს ყველაზე ძლიერი სახელმწიფოს ლიდერებიც ვერ ჩადიან უკრაინაში;

პრემიერის დავალებით, საგარეო საქმეთა მინისტრი ჩართული იყო და ევროკავშირის ეგიდით ორგანიზებულ ეუთოს მინისტერიალზე მიიღო მონაწილეობა; ასევე, ევროსაბჭოში საქართველომ უკრაინის მიმართ სრული სოლიდარობა და პოლიტიკური მხარდაჭერა გამოხატა;

პრემიერის დავალებით, უკრაინის ელჩს საქართველოში, გზავნილი გადასცეს, რომ საქართველო მზად არის, ჩვენს ქვეყანაში მყოფ უკრაინელ მოქალაქეებს ჰუმანიტარული დახმარება აღმოუჩინოს, ეს პროცესი გაგრძელდება საქართველოს შესაძლებლობების ფარგლებში;

მთავრობის მეთაურმა აღნიშნა, რომ ეროვნულ და პრაგმატულ პოლიტიკას ახორციელებს და არცერთ გადაწყვეტილებას არ მიიღებს ისეთს, რომელიც რაიმე ფორმით დააზიანებს ჩვენი ქვეყნის და ხალხის ეროვნულ ინტერესებს.

სანამ რამეს დაწერთ, იქნებ მოვლენების ქრონოლოგიას გაადავლოთ ხოლმე თვალი. აგვისტოს ომის დროს როდის ჩამოვიდნენ ლიდერები? მაშინ, როდესაც საომარი მოქმედებები დასრულდა..

P.S.S –  სხვათა შორის, ომის დროს „აირზენა“-ში ვმუშაობდი და ზუსტად მახსოვს ის ხალხი, ვინც პირადად ჩემთან რეკავდა და საქართველოდან წასასვლელ ბილეთს მთხოვდა ნებისმიერი მიმართულებით… ბილეთს, ოღონდ მხოლოდ ერთ გზას…“- წერს ნინო გიორგობიანი.

Next Post

ეკო ფანგანი თიკა კანდელაკის წინააღმდეგ – “შენ ქართველი არ ხარ?!!! ამ პოსტის დაწერას როგორ ბედავ?!”

შაბ თებ 26 , 2022
626 წაკითხვათინა კან­დე­ლა­კი ტრა­დი­ცი­უ­ლად კვლავ კრემ­ლის სამ­სა­ხურ­შია და შე­სა­ბა­მი­სად, სო­ცი­ა­ლურ ქსელ­ში პუ­ტი­ნის­ტუ­რი პრო­პა­გან­დით გაჟ­ღენ­თილ პოსტს ავ­რცე­ლებს. ეკა­ტე­რი­ნე ფან­გა­ნმა ფეისბუქში დაწერა: “შენ ქარ­თვე­ლი არ ხარ?!!! ჩვენც მო­ვი­გო­ნეთ ყვე­ლა­ფე­რი, რო­გორც აგ­ვა­ოხ­რა 2008 წელს?! რამ­დე­ნი ადა­მი­ა­ნი დაგ­ვი­ხო­ცა შენ­მა ლი­დერ­მა, 20 პრო­ცენ­ტი ჩვე­ნი ტე­რი­ტო­რი­ე­ბის რომ წაგ­ვარ­თვა, მი­ით­ვი­სა, არ იცი?! თუ იცი და გსი­ა­მოვ­ნებს, ლა­მის გორ­თან რომ გა­ჭი­მა სა­ზღვა­რი?!! შენ ხომ და­ი­ბა­დე და ხომ ცხოვ­რობ­დი […]