„ხალხო! კიდევ ერთხელ გაფრთხილებთ! ამ ღირებულებების მოღალატე ადამიანის გზავნილები არ იქნება არსად, სადაც ორგანიზატორი ვარ მე! ეს ბრძოლა არის დემოკრატებსა და ავტოკრატ პოპულისტებს შორის. პოპულისტები ჩემი მტრები არიან და ჩემი ამოცანა მათი პოლიტიკური განადგურებაა”, – ამის შესახებ თამარ ჩერგოლეიშვილი სოციალურ ქსელში წერს და გიგა ბოკერიას შესახებ მიხეილ სააკაშვილის მიერ 2019 წელს გაკეთებულ განცხადებას [რასაც აკეთებს ბოკერია, არის ტრადიციების წინააღმდეგ, ანტიქრისტიანული] აზიარებს.
ჩერგოლეიშვილის თქმით, სააკაშვილი დემოკრატიის მოწინააღმდეგე პოპულისტების მინდორზე თამაშობს!
„ეს არჩევანი გააკეთა! (მე ვურჩევდი, დაჟინებით, რომ ცდებოდა, მაგრამ მოკლე გზით სიარული უნდოდა ძაან და ეგ ეგონა მოკლე გზა). ეს არჩევანი ჩემთვის მიუღებელია და არასოდეს მისაღები არ გახდება, ჩემი ამოცანაა, რომ ეს არჩევანი ყველგან და ყოველთვის დამარცხდეს! შეეგუეთ და არ მომიახლოვდეთ!”, – წერს ჩერგოლეიშვილი.
