სალომე ზურაბიშვილის ძმამ მიხეილ სააკაშვილს მხარდაჭერა გამოუცხადა

113 წაკითხვა

სალომე ზურაბიშვილის ძმამ მიხეილ სააკაშვილს მხარდაჭერა გამოუცხადა. ამის შესახებ მან სოციალურ ქსელში დაწერა და საზღვარგარეთ, მის სამკურნალოდ გადაყვანის აუცილებლობაზეც ისაუბრა.

“საქართველოს ინტერესებიდან გამომდინარე!

წელიწადზე მეტია, რაც მიხეილ სააკაშვილი დაპატიმრებულია საქართველოში.

სამშობლოში დაბრუნებისას მან იცოდა, რომ დააკავებდნენ, რადგან საქართველოში ის დაუსწრებლად გაასამართლეს. მაგრამ მიუხედავად ამისა მან ასეთი არჩევანი გააკეთა .

დღეს არ მსურს ვისაუბრო არც ამ არჩევანზე და არც მისი საქციელის შეფასებაზე. ამის დრო არ არის.

მიხეილ სააკაშვილი, მიუხედავად იმისა, რა პრეტენზიებიც მის მიმართ შეიძლება გვქონდეს, იყო საქართველოს ის პრეზიდენტი, რომელმაც ქართული სახელმწიფოს შექმნას ჩაუყარა საფუძველი.

დღეს სამედიცინო ექსპერტთა კომიტეტმა გაგვაფრთხილა მისი ჯანმრთელობის უკიდურესად მძიმე მდგომარეობის და სავარაუდო მოწამვლის შესახებ. მას ესაჭიროება კომპლექსური მკურნალობა ევროპის მრავალპროფილურ კლინიკაში.

ეს არ შეიძლება საკამათო იყოს!

ჰუმანურობა მოითხოვს !

ეს ქვეყნის და თითოეული ჩვენთაგანის ღირსების საკითხია!

ბოლოს და ბოლოს, საქმე ეხება საქართველოს იმიჯს, რომელიც მიხეილ სააკაშვილის ჯანმრთელობის მდგომარეობის კიდევ უფრო გაუარესების შემთხვევაში არ აღდგება.

ეს სასწრაფოა! ეს აუცილებელია!, – წერს ოთარ ზურაბიშვილი.

Next Post

თუ იცით "ქოცებო", რომ უკრაინის გამარჯვების მერე, თქვენი მომავალი ზელენსკიზე იქნება დამოკიდებული? - ელისო კილაძე

ოთხ დეკ 21 , 2022
113 წაკითხვათუ იცით “ქოცებო” რომ უკრაინის გამარჯვების მერე, თქვენი მომავალი ზელენსკიზე იქნება დამოკიდებული? – წერს ჟურნალისტი ელისო კილაძე სოციალურ ქსელში: “მსოფლიო ტაშს უკრავს ზელენსკის, ქოც.ექსპერტები, პატრონების დავალებით, დაცინვით პეტრუშკას ეძახიან. ნეტავ თუ იცით “ქოცებო”, რომ უკრაინის გამარჯვების მერე, თქვენი მომავალი ზელენსკიზე იქნება დამოკიდებული? – წერს ელისო კილაძე.

შესაძლოა მოგეწონოთ