„კასპერსკის ლაბორატორიამ“ ინტერპოლს მიაწოდა ოპერაცია Africa Cyber Surge II ფარგლებში არსებული საფრთხის მონაცემები, რის შედეგად გამომძიებლებს საშუალება მიეცათ დაედგინათ კომპრომეტირებული ინფრასტრუქტურა და აფრიკის მთელ რეგიონში დაეკავებინათ კიბერდანაშაულში ეჭვმიტანილნი.
კომპანია აცხადებს, რომ Operation Africa Cyber Surge არის მრავალმხრივი მუდმივი ძალისხმევა კიბერდანაშაულის წინააღმდეგ საბრძოლველად და რეგიონის თემების დასაცავად. Africa Cyber Surge-ის პირველი ნაწილი, რომელშიც ასევე მონაწილეობდა „კასპერსკის ლაბორატორია“ ჩატარდა 2022 წლის ივლისიდან ნოემბრამდე და დასრულდა ოპერატიული და საგამოძიებო მოქმედებების სერიით კიბერდანაშაულებრივი საფრთხის წინააღმდეგ აფრიკის მთელს რეგიონში.
ოპერაცია Africa Cyber Surge II დაიწყო 2023 წლის აპრილში და გაგრძელდა ოთხი თვის განმავლობაში. ის მოიცავდა აფრიკის 25 ქვეყანას. აქცია განხორციელდა ინტერპოლის კიბერდანაშაულობათა დეპარტამენტის მიერ, ინტერპოლის აფრიკის კიბერდანაშაულობათა განყოფილების და აფრიკული კავშირის ინტერპოლის მხარდაჭერის პროგრამის (ISPA) ეგიდით. ამ ძალისხმევას ასევე მხარი დაუჭირეს გაერთიანებული სამეფოს საგარეო საქმეთა, თანამეგობრობისა და განვითარების სამინისტრომ, გერმანიის ფედერალურმა საგარეო საქმეთა სამინისტრომ და ევროპის საბჭომ.
ინტერპოლის სხვა კერძო სექტორის პარტნიორებთან ერთად, „კასპერსკის ლაბორატორიამ“ გაუზიარა კომპრომეტაციის მაჩვენებლები (IOC) საერთაშორისო სააგენტოს, მათ შორის მავნე ბრძანებისა და კონტროლის სერვერები, ფიშინგური ბმულები, დომენები და თაღლითური IP მისამართები. ყოველივე ამის შედეგად, ინტერპოლმა გაამარტივა თანამშრომლობა აფრიკის სამართალდამცავ ორგანოებთან კიბერგამომძალველთა, ფიშერთა, საქმიანი ელფოსტისა და ონლაინ თაღლითების საქმიანობის გამოძიებისა და აღკვეთის მიმართულებით.
„ოპერაცია Africa Cyber Surge II გამოიწვია კიბერდამნაშავეთა გუნდების გაძლიერება მონაწილე ქვეყნებში, ასევე პარტნიორობის გაძლიერება ძირითად დაინტერესებულ მხარეებთან, როგორიცაა კომპიუტერული საგანგებო სიტუაციების რეაგირების გუნდები და ISP-ები, რაც კიდევ უფრო შეუწყობს ხელს კიბერდანაშაულის გლობალური გავლენის შემცირებას და რეგიონის თემების დაცვას“, – განაცხადა ინტერპოლის გენერალურმა მდივანმა იურგენ შტოკმა.
„უსაფრთხო სამყაროს შექმნის თავის მისიაში, „კასპერსკის ლაბორატორია“ პატივს სცემს მრავალმხრივი თანამშრომლობის მნიშვნელობას კერძო სექტორის, საერთაშორისო სამართალდამცავი ორგანოების და ეროვნული ხელისუფლების მონაწილეობით“, – ამბობს კომპანიის საზოგადოებასთან ურთიერთობის დირექტორი იულია შლიჩკოვა, – მხოლოდ კერძო და საჯარო სექტორებს შორის ეფექტური პარტნიორობის ძალის გამოყენებით შეგვიძლია გავაძლიეროთ კიბერუსაფრთხოების ინდუსტრიის შემდგომი გაძლიერება აფრიკის რეგიონში, რათა აფრიკის ქვეყნებმა შეძლონ თავიანთი გამორჩეული პოტენციალის რეალიზება შეუფერხებლად და კიბერდანაშაულის გარეშე“.
