„საბურთალოს კლასტერის ინფიცირების წყარო შესაძლოა იყოს ჩემი კოლეგა“ – ამირან გამყრელიძე

1,828 წაკითხვა

საბურთალოს კლასტერის ინფიცირების პირველადი წყარო შესაძლოა იყოს ჩემი კოლეგა, სამედიცინო მუშაკი, შემდეგ კი ინფექცია ოჯახსა და ოჯახის ახლო კონტაქტებში გავრცელდა, – ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ განაცხადა.

„გუშინწინ დადასტურებული 2 შემთხვევის, ამ ე.წ. საბურთალოს კლასტერის კონტაქტების კვლევა ინტენსიურად მიმდინარეობს, 50-მდე ადამიანი გამოკვლეულია. 9-ს ასევე დაუდგინდა კორონავირუსი და კვლევა ამ წუთებშიც გრძელდება. ინფიცირებულები არიან გადაყვანილები საავადმყოფოებში, კონტაქტები კი თბილისის საკარანტინო სივრცეებში. კლასტერის ინფიცირების პირველადი წყარო შესაძლოა იყოს ჩემი კოლეგა, სამედიცინო მუშაკი, შემდეგ კი ინფექცია ოჯახსა და ოჯახის ახლო კონტაქტებში გავრცელდა. დღესაც იღებენ დამატებით ნიმუშებს და ტარდება ჩაღრმავებული კვლევა. ამ კლასტერში სულ 11 წევრია. შეზღუდვების შემსუბუქების შემდეგ შემთხვევების მატება მოსალოდნელი იყო, თუმცა ეს არაა ისეთი მატება, რომელსაც ჩვენ ვერ გავუმკლავდებით. ნუ მივეცემით პანიკას, შემსუბუქების პერიოდში ეს ყველა ქვეყანაში მოხდა და შესაძლოა ჩვენთანაც მოხდეს. ამ პერიოდში აუცილებლად უნდა დავიცვათ უკვე ცნობილი რეკომენდაციები. ამუშავდა ტრანსპორტი – მობილობის ყველაზე ძლიერი მექანიზმი. გუშინ ვაკვირდებოდი ქალაქში და გამიხარდა, რომ ბევრ ავტობუსში რეკომენდაციები იყო დაცული. მოვუწოდებ მოსახლეობას – ამ ეტაპზე ეპიდსიტუაცია არის სრულად მართვადი. გვექნება ახალი შემთხვევები – ეს არაა დიდი პრობლემა. ეს არის მართვადი, მაგრამ ძალაში რჩება სლოგანი – უნდა ვისწავლოთ თანაცხოვრება ამ ვირუსთან ერთად და დავიცვათ წესები“, – განაცხადა გამყრელიძემ.

ცნობისთვის, თბილისში, საბურთალოზე მდებარე ერთ-ერთ კორპუსში კორონავირუსით ოჯახის 7 წევრი დაინფიცირდა.

Next Post

თბილისში, კორონავირუსით ოჯახის 7 წევრი დაინფიცირდა

შაბ მაი 30 , 2020
1,828 წაკითხვათბილისში, საბურთალოზე მდებარე ერთ-ერთ კორპუსში კორონავირუსით ოჯახის 7 წევრი დაინფიცირდა. “კურიერის” ცნობით,  ოჯახის ერთ-ერთი წევრი ექთანია და ინფიცირების წყარო სავარაუდოდ, სწორედ ის გახდა. ვირუსით ქალის მამა, ბებია, მამიდა, ბიძა, და და დისშვილი დაინფიცირდა. არსებული ინფორმაციით, ადგილზე წუხელ ეპიდემიოლოგები მუშაობდნენ – დღეს კი მათ კიდევ ერთხელ ელოდებიან. როგორც კორპუსის მაცხოვრებლების აცხადებენ,  მათ ტესტირება უკვე  ჩაუტარდათ, თუმცა ახალი შემთხვევები არ გამოვლენილა.