სამოქალაქო აქტივისტი შოთა დიღმელაშვილი, მიხეილ სააკაშვილის ვიდეომიმართვას ეხმიანება და ბოლოდროინელ განცხადებებს აფასებს, რაც მისი თქმით, აზიანებს „ნაციონალურ მოძრაობას“ და ირიბად ბიძინა ივანიშვილის მოკავშირე გამოდის
გაქცეული მიშა ოპოზიციის აქტივი კი არა, მისი სისუსტეა და ამ უპასუხისმგებლო გამოხტომებით იგი პოლარიზაციის გაღრმავებაზე, მაშასადამე “ქართულ ოცნებაზე” მუშაობს.
ყოველი მომდევნო საჯარო გამოსვლისას უფრო და უფრო აშკარაა, რომ მისთვის ამ ქვეყნის უკეთესი მომავალი არაფერს ნიშნავს, თუკი აქ საკუთარი ძალაუფლება არ იგულა.
საშინელი საყურებელია კაცი, რომელიც ვერ შეეგუა, რო აღარ უნდათ და თავს არ ანებებს ყოფილს – ხან უთვალთვალებს, ხან უსაფრდება, ხან ექსჰიბიციონისტურად აჩვენებს რა კარგადაა უმისოდ, ჯერ ემუქრება, მერე სიყვარულს ეფიცება, ისტერიკებს უწყობს და არწმუნებს, რომ უმისოდ არაფერია, როცა საქმე პირიქითაა.
ჰგონია ასეთი ქცევა შანსებს უზრდის. ესეც პირიქითაა.
ამ უმწიფარ-ეგოისტური ქცევით იგი ქვეყნის სამომავლო პერსპექტივასთან ერთად საკუთარ პარტიასაც აზიანებს, რომლის რამდენიმე ლიდერმა ნამდვილად გამოავლინა პარტიის სამომავლო მეტამორფოზის პოტენციალი.
ახლა ბიძინას მთავარი მოკავშირე როგორც ენმ-ის, ისე ოპოზიციური კოალიციის წინააღმდეგ – მიშა სააკაშვილია” – წერს დიღმელაშვილი.
