„საუბარია პირადად ივანიშვილის ერთგულებასა და ღალატზე“ – გია ხუხაშვილი

604 წაკითხვა
გია ხუხაშვილის პოსტი ფეისბუქში: 
როდესაც ქართული ოცნების მესვეურები საუბრობენ ერთგულებასა და ღალატზე, უნდა გავერკვეთ, თუ რას გულისხმობენ?
თუ საუბარია 2012 წლის იდეალებზე, გეტყვით, რომ თუ ვინმემ უღალატა ფასეულობათა მაშინ გაცხადებულ სისტემას, ეს თვითონ ქართული ოცნებაა.
თუ საუბარია მაშინდელი გუნდის ღალატზე, ის დიდი ხანია არ არსებობს და დღევანდელი ოცნება მეტწილად 2012-ის შემდეგ ბუჩქებიდან გამომძვრალი პერსონაჟებისგან შედგება.
ესე იგი, საუბარია პირადად ივანიშვილის ერთგულებასა და ღალატზე, რომელიც ამ დაჯგუფებას სახელმწიფოზე, კანონზე მაღღლა მდგომად და მთავარ ფასეულობად მიაჩნია. ცოტას გულწრფელად, უმრავლესობას კი გამორჩენის მიზნით.
ჩემი გადმოსახედიდან, საქმე პირიქით არის – თუ ვინმეს ღალატზე შეიძლება საუბარი, ეს თვითონ არიან მარტივი, ბანალური მიზეზის გამო:
თუ შენს წინაშე დგას არჩევანი სახელმწიფო ინტერესების, თუ პიროვნული ერთგულების სახით და შენ არჩევანს აკეთებ პიროვნების სასარგებლოდ, სწორედ შენ ხარ მოღალატე, რადგან ქართული სახელმწიფო განუზომლად დიდი ფასეულობაა, ვიდრე ნებისმიერი პიროვნება, თუნდაც ეს ბიძინა იყოს.

Next Post

„ვინც სინამდვილე იცის იგივე კაპიტან გიგაურის შესახებ, ალბათ გაეღიმება იმის წარმოდგენაზე, რომ..“ - დავით ჩიხელიძე

შაბ აგვ 28 , 2021
604 წაკითხვა„რამდენიმე „არასამთავრობო ორგანიზაციამ“ განცხადებაში რომ დაგმო ქართული ოცნების მიერ 19 აპრილის შეთანხმების დატოვება, იმ არგუმენტით, რომ ეს დოკუმენტი უმნიშვნელოვანესიაო, თუ ეს ორგანიზაციები მართლა ასე თვლიდნენ და არც ნაცმოძრაობის ფარული სატელიტები არიან (TI საქართველო,  „სირცხვილია“, GDI, ISFED…), ერთხელ მაინც როგორ არ გაახსენდათ ნაცმოძრაობისთვისაც აეხსნათ ამ დოკუმენტის მნიშვნელობა და გაეკრიტიკებინათ ამ პარტიის მიერ შეთანხმების დემონსტრაციული იგნორირება? თუმცა ვინც სინამდვილე იცის იგივე […]