ირაკლი ღარიბაშვილი გაეროს გენერალური ასამბლეის 76-ე სესიაზე სიტყვით გამოვა

772 წაკითხვა

საქართველოს პრემიერ-მინისტრი ირაკლი ღარიბაშვილი გაეროს გენერალური ასამბლეის 76-ე სესიაზე სიტყვით გამოვა. მთავრობის მეთაური ნიუ-იორკს 20-25 სექტემბერს ეწვევა.

21 სექტემბერს, გაერო-ს 76-ე სესიის გენერალური დებატები ოფიციალურად გაიხსნება.

ღონისძიებას, საქართველოს პრემიერ-მინისტრი მსოფლიო ლიდერებთან ერთად დაესწრება. ამერიკის შეერთებულ შტატებში ვიზიტისას, გაეროს გენერალური ასამბლეის 76-ე სესიის ფარგლებში, დაგეგმილია საქართველოს პრემიერ-მინისტრის მაღალი დონის ორმხრივი შეხვედრები. გაეროს ტრიბუნიდან პრემიერ-მინისტრი გენერალური დებატების მონაწილეებს 24 სექტემბერს მიმართავს.

ირაკლი ღარიბაშვილი სიტყვით გამოსვლისას საქართველოსა და საერთაშორისო თანამეგობრობის წინაშე მდგარ გამოწვევებზე და მათი გადაჭრის პროცესში ერთობლივი ძალისხმევის მნიშვნელობაზე გაამახვილებს ყურადღებას. საქართველოს დელეგაციაში, რომელსაც პრემიერ-მინისტრი ხელმძღვანელობს, ვიცე-პრემიერი, საგარეო საქმეთა მინისტრი დავით ზალკალიანი, განათლებისა და მეცნიერების მინისტრი მიხეილ ჩხენკელი და მთავრობის ადმინისტრაციის უფროსი ილია დარჩიაშვილი იმყოფებიან.

გაეროს გენერალური ასამბლეის 76-ე სესიის გენერალური დებატების ძირითადი თემაა „ქვეყნების გამძლეობის გაზრდა იმედის საშუალებით, რათა მოხდეს ახალი კორონავირუსისგან ხალხის გამოჯანმრთელება, ეკონომიკის მდგრადი აღდგენა, პლანეტის საჭიროებებზე რეაგირება, ადამიანის უფლებების პატივისცემა და გაერთიანებული ერების ორგანიზაციის არსის გამოცოცხლება“.

Next Post

მეტი პოზიტივი, ერო, სანამ სულ არ გაგვაგიჟეს ამ ორ კვირაში

ორშ სექ 20 , 2021
772 წაკითხვაბოროტი ხმები ამბობენ, ისეთი ცუდი პროცენტები დაუდეს სახელისუფლებო პარტიას, შიდა კვლევებითო, არჩევნებამდე დარჩენილ ორ კვირაში, ალბათ სიგიჟეების პიკს ვიხილავთ. ჯაფარას, მელიას, გახარიას და მედიამენეჯერების ერთად გამოკვრა, ყვავილები იქნება, ისეთებს დადგამენ. მეტი პოზიტივი, ერო, სანამ სულ არ გაგვაგიჟეს ამ ორ კვირაში.  43 კი არა, 35 პროცენტსაც ვერ აგროვებენო.  ჩიტმა წაიღო მეოცნებეების ხმები თუ გახარიამ?აგრესიული კამპანია რომ უკუშედეგს იძლევა, როცა ცხრა […]