კახა კალაძე ჟურნალისტს – ცდილობთ, შეფუთოთ თემა, თითქოს „ქართული ოცნების“ წარმომადგენლები ელჩებს თავს ესხმიან – თავდასხმა იყო, რასაც ნიკა გვარამია, ნიკა მელია აშშ-ის ელჩთან მიმართებით აკეთებდნენ

139 წაკითხვა

თქვენ ცდილობთ, რომ შეფუთოთ თემა, თითქოს „ქართული ოცნების“ წარმომადგენლები ელჩებს თავს ესხმიან. თავდასხმა იცით რა არის? თავდასხმა იყო, რასაც ნიკა გვარამია, ნიკა მელია ამერიკის ელჩთან მიმართებით აკეთებდნენ, – ასე მიმართა „ქართული ოცნების“ გენერალურმა მდივანმა, კახა კალაძემ ჟურნალისტს, რომელმაც აშშ-სა და ევროკავშირის ელჩების მისამართით „ქართული ოცნების“ წარმომადგენლების განცხადებებთან დაკავშირებით კითხვა დაუსვა.

მისივე თქმით, მმართველი გუნდის წევრების მხრიდან კელი დეგნანისა და კარლ ჰარცელის მისამართით თავდასხმა არ ყოფილა და მათთვის შეურაცხყოფა არავის მიუყენებია.

„თავდასხმა რა შუაშია? ვინმემ რაიმე შეურაცხყოფა მიაყენა? ადამიანმა გამოთქვა თავისი მოსაზრება, როგორც თვითონ ხედავს და როგორც თვითონ მიაჩნია. მე რას ვფიქრობ, ეს ჩემი საქმეა. თქვენ შეიძლება განსხვავებული მოსაზრება გქონეთ, მე შეიძლება განსხვავებული, ამ ადამიანს განსხვავებული. თავდასხმა სად იყო? ვინმემ ვინმეს შეურაცხყოფა მიაყენა თუ რას ეძახით თავდასხმას? ეს თქვენ ცდილობთ რომ შეფუთოთ თემა, თითქოს „ქართული ოცნების“ წარმომადგენლები თავს ესხმიან. თავდასხმა იცით რა არის? თავდასხმა იყო, რასაც ნიკა გვარამია ელჩთან მიმართებით აკეთებდა, თავდასხმა იყო, რასაც ნიკა მელია ამერიკის ელჩთან მიმართებით აკეთებდა. ეს არის თავდასხმა, შეურაცხმყოფელი განცხადებები. ამოიღეთ და ნახეთ,“ – განაცხადა კახა კალაძემ.

კომენტარის დატოვება

თქვენი ელფოსტის მისამართი გამოქვეყნებული არ იყო.

Next Post

დავით უსუფაშვილი - ვისურვებდი, რომ პოლიტიკური კინკლაობა მინიმუმამდე დავიდეს, ყველას მიეცეს საშუალება ევროპული სტანდარტების საქართველოს თავისი მოდელი წარმოადგინოს და რაც შეიძლება ფართო მხარდაჭერა მოიპოვოს

ოთხ ივლ 27 , 2022
139 წაკითხვავისურვებდი, რომ პოლიტიკური კინკლაობა მინიმუმამდე დავიდეს, ყველას მიეცეს საშუალება ევროპული სტანდარტების საქართველოს თავისი მოდელი წარმოადგინოს და რაც შეიძლება ფართო მხარდაჭერა მოიპოვოს, მერე პროცესი გადავა გადაწყვეტილების მიმღებ ინსტიტუტებში, – ამის შესახებ „ლელო საქართველოსთვის“ ერთ-ერთმა წევრმა დავით უსუფაშვილმა არასამთავრობო ორგანიზაციებისა და პოლიტიკური პარტიების შეხვედრასთან დაკავშირებით განაცხადა. „ძალიან კარგი რამ ხდება დღეს, კიდევ ერთი დემონსტრირება იმისა, რომ მმართველი პარტიის სრულიად გაუგებარი და არაადეკვატური პოლიტიკის ფონზე, […]