ტელეკომპანია “იმედი”-ს ოპერატორი ნიკოლოზ წეველიძე, დღეს, კლინიკა “ვივამედთან” მომხდარი ინციდენტის გამო ბოდიშს იხდის, როდესაც მან “მთავარი არხი”-ს ჟურნალისტ გოგონას ხელი ჰკრა, რადგან კადრში იდგა და ხელი ეშლებოდათ ინტერვიუს დროს.
“ძალიან ვწუხვარ „ვივამდთან“ მომხდარი ფაქტის გამო. 20 წელია, რაც ამ საქმეს ვემსახურები და მსგავსი შემთხვევა არასდროს მქონია. ადგილზე ტელევიზიები ვმუშაობდით პირდაპირი ეთერის რეჟიმში, რა დროსაც “მთავარი არხი”-ს ჟურნალისტის ჩართვის გამო, ხელი შეგვეშალა მუშაობის პროცესში.
ყველა ვეუბნებოდით კადრიდან გაწეულიყო. ამის შემდეგ მინდოდა უბრალოდ გვერდით გამეწია, ვერ მოვზომე და ხელი ვკარი. პირდაპირი ეთერის ნახვის შემდეგ მივხვდი, რომ ძალიან უხეშად გამომივიდა და კიდევ ერთხელ ვწუხვარ ამის გამო. რაც შეეხება უკვე კადრს მიღმა განვითარებულ მოვლენებს, ამაზე თავის მართლებას ვერ დავიწყებ და ბოდიშს ვიხდი კიდევ ერთხელ.”– წერს ნიკოლოზ წეველიძე.