თბილისში, ჭავჭავაძის გამზირზე მდებარე კომპანიაში, რომელიც საოპერო მომღერალ პაატა ბურჭულაძის შვილს ეკუთვნის, სპეცოპერაცია ჩატარდა. არსებული ინფორმაციით, კომპანიის ერთ-ერთმა თანამშრომელმა კორონავირუსთან დაკავშირებით რამდენიმე შეტყობინება გაუგზავნა მის ახლობელს, თუმცა ის ვირუსულად გავრცელდა, რამაც მოქალაქეებში პანიკა გამოიწვია.
„ჩემი ინფორმაციით, არავინ არ არის დაკავებული. გუშინ, როდესაც მოხდა მთავრობისგან საინფორმაციო შეტყობინებების გაგზავნა, ამავდროულად რომელიღაც სხვა კომპანიიდან დაიგზავნა გარკვეული რაოდენობის ცრუ მესიჯები. დაემთხვა ისე, მთავრობის შეტყობინებების დაგზანის შემდგომ, ჩვენი კომპანიის ერთ-ერთი თანამშრომელი გაეხუმრა ოჯახის წევრებს, დედას, დას და ორ მეგობარს. დააგზავნა ექვსი მესიჯი. რა თქმა უნდა, ძალიან ცუდი რამ მოხდა. ჩვენ წარმოდგენა არ გვქონდა ამასთან დაკავშირებით და ჩავატარეთ შიდა გამოძიება. თავად გამოტყდა ეს თანამშრომელი, რომ ხუმრობის სახით, მხოლოდ თავის ოჯახის წევრებს, ახლობლებს გაეხუმრა და გაუშვა მესიჯები. ეს თანამშრომელი გათავისუფლებულია სამსახურიდან“, – აღნიშნა შუქრი ბურჭულაძემ.
შუქრი ბურჭულაძის კუთვნილი კომპანია სარეკლამო შეტყობინენების დაგზავნაზე მუშაობს.
