ველოდებით პრემიერის გადაწყვეტილებას – ეკატერინე ტიკარაძე

1,264 წაკითხვა

საქართველოს ჯანდაცვის მინისტრის მოვალეობის შემსრულებლის, ეკატერინე ტიკარაძის განცხადებით, მთავრობის ახალი შემადგენლობის დაკომპლექტება პრემიერის კომპეტენციაა და ყველა მის გადაწყვეტილებას უნდა დაელოდოს.

„თქვენ იცით, რომ დღეს მოხდა პრემიერის წარდგენა. შესაბამისად, ეს შედის პრემიერის კომპეტენციებში, ის წარადგენს მინისტრთა კაბინეტის სიას და საზოგადოება გაეცნობა მის გადაწყვეტილებას. ჯერჯერობით ადრეა ამაზე საუბარი. დაველოდოთ პრემიერ-მინისტრის გადაწყვეტილებას, ნუ გავუსწრებთ მოვლენებს“

„ქართულმა ოცნებამ“ საქართველოს პარლამენტს პრემიერ-მინისტრობის კანდიდატად გიორგი გახარია წარუდგინა.

კონსტიტუციის თანახმად, ახალარჩეული პარლამენტის მიერ სრული უფლებამოსილების შეძენისთანავე, მთავრობა პარლამენტის წინაშე უფლებამოსილებას იხსნის და ახალი პრემიერ-მინისტრის დანიშვნამდე, მოვალეობის შესრულებას განაგრძობს.

პროცედურის მიხედვით, მთავრობის უფლებამოსილების მოხსნიდან ორი კვირის ვადაში პარლამენტი ნდობას უცხადებს საპარლამენტო არჩევნებში საუკეთესო შედეგის მქონე პარტიის პრემიერ-მინისტრობის კანდიდატის მიერ წარდგენილ მთავრობას.

ამასთან, მთავრობის შემადგენლობასთან ერთად, პარლამენტს წარედგინება სამთავრობო პროგრამა. ნდობის მისაღებად საჭიროა 76 დეპუტატის მხარდაჭერა.

Next Post

„პაატა იმნაძეს აპრავებენ… ვის აბოლებთ?“ – ლადო სადღობელაშვილი

სამ დეკ 15 , 2020
1,264 წაკითხვალადო სადღობელაშვილი სოციალურ ქსელში წერს: „პაატა იმნაძეს აპრავებენ! კოტე გოგელიამ, იმნაძის მეუღლის ძმამ აჩუქა ბინაო! 1,5 მილიონიანი ბინა აჩუქაო… კორონას დროს! – ეხლა მომისმინეთ! მოეშვით მაგას თორემ დავინტერესდები გოგელიას შემოსავლებით, ამოვქექავ და მერე გოგელია გეყოლებათ გასაპრავებელი! – კორონას დროს აჩუქა?! მაშინ როდესაც ყველა ბიზნეს დაენძრა?! ვის აბოლებთ?“