1,341 წაკითხვა
„სტრატეგია აღმაშენებლის“ ლიდერის გიორგი ვაშაძის მამა კორონავირუსით გარდაიცვალა.
73 წლის გუტა ვაშაძის ჯანმრთელობის მდგომარეობა ბოლო დღეების განმავლობაში მძიმე იყო და ის აპარატზე იყო შეერთებული.
გიორგი ვაშაძის მამა მედიკოსი იყო და ის თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკაში მკურნალობდა.
კორონავირუსით ინფიცირებული იყო ასევე გუტა ვაშაძის მეუღლე, რომელიც უკვე გამოჯანმრთელებულია.
გუტა ვაშაძე თავდაპირველად, ქუთაისის კლინიკაში იყო მოთავსებული. ჯანმრთელობის მდგომარეობის გაუარესების შემდეგ კი ის თბილისში გადმოიყვანეს.
