„ფორმულას” ტელეწამყვან ვახო სანაიას თავს დაესხნენ

223 Views

ფორმულას“ ტელეწამყვან ვახო სანაიასა და მისი მეუღლის ნათესავზე თავდასხმის ფაქტზე 3 პირი დააკავეს. ამის შესახებ ინფორმაციას შსს ავრცელებს.

„შინაგან საქმეთა სამინისტროს საპატრულო პოლიციის დეპარტამენტის თბილისის მთავარი სამმართველოს თანამშრომლებმა ორი ან მეტი პირის მიმართ ჯგუფურად ჩადენილი ძალადობის ბრალდებით სამი პირი – 1993 წელს დაბადებული ვ.გ., 1988 წელს დაბადებული გ.ს. და 1988 წელს დაბადებული ს.ს. თბილისში დააკავეს.

დანაშაული 2 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ნასვამ მდგომარეობაში მყოფმა ბრალდებულებმა, ურთიერთშელაპარაკების ნიადაგზე, ჯგუფურად ფიზიკური ძალადობა განახორციელეს ტელეკომპანია “ფორმულას” ჟურნალისტის – 1985 წელს დაბადებული ვ.ს.-ს და მისი მეუღლის ნათესავის 1986 წელს დაბადებულ ნ.მ.-ს მიმართ.

საპატრულო პოლიციის თანამშრომლებმა, საქმეზე ჩატარებული გადაუდებელი საგამოძიებო მოქმედებების შედეგად, სამივე ბრალდებული დააკავეს.

გამოძიება საქართველოს სისხლის სამართლის კოდექსის 126-ე მუხლის პირველი პრიმა ნაწილის „ბ“ და „გ“ ქვეპუნქტებით მიმდინარეობს, რაც ორი ან მეტი პირის მიმართ ჯგუფურად ჩადენილ ძალადობას გულისხმობს“, – ნათქვამია შსს-ს მიერ გავრცელებულ ინფორმაციაში.

ipn.ge

Next Post

,,ასე არ ხდება, პრინციპი არის მარტივი..“ – გია ხუხაშვილი

პარ თებ 26 , 2021
223 Viewsპოლიტოლოგი გია ხუხაშვილი, სოციალურ ქსელში, წერს: ,,საკმარისია ერთხელ მაინც უყუროთ რუსულ თოქ-შოუს «НТВ», «Первый канал», «Россия», რომელიც ნავალნის ეძღვნება, რომ მიხვდეთ – სახელისუფლებო სპიკერები, ექსპერტები და შესაბამისად მათი ტელევიზიები უყურებენ, აკონსპექტებენ და ზუსტად იგივე არგუმენტაციით საუბრობენ მელიაზე. განსხვავება ორ რამეშია: 1. იქ, როდესაც “კანონის უზენაესობაზე” საუბრობენ და დასავლეთს ადანაშაულებენ ორმაგ სტანდარტში, ერთი-ორი ოპონენტი ყავთ, რომელიც არ ეთანხმება. აქ სრულიად […]

mediapress.ge@gmail.com