„ქალბატონო სალომე, ხომ არ სჯობს, რომ გადადგეთ?“ – ლევან ვასაძე სალომე ზურაბიშვილს

213 Views

საზოგადოებრივი მოძრაობა “ერთობა, რაობა, იმედი”- ს დამფუძნებელმა ლევან ვასაძემ პრეზიდენტ სალომე ზურაბიშვილის პოლიტიკა გააკრიტიკა და მოუწოდა, თანამდებობა დატოვოს.

“მინდა მივმართო საქართველოს პრეზიდენტს სალომე ზურაბიშვილს და ვუთხრა, ქალბატონო სალომე, ქალბატონი, ჩემი ქვეყნის პრეზიდენტი ბრძანდებით და ამიტომ, ყველანაირი ზრდილობისა და კორექტულობის დაცვით გავაკეთებ თქვენდამი ამ მომართვას. გვესმის, რომ იმ ფორმით, რომლითაც ამჟამად ჩვენს სახელმწიფო საპრეზიდენტო ინსტიტუტი არსებობს, თქვენ ბევრი არაფრის უფლება არ გეძლევათ, მაგრამ გვაოცებს ის, რომ იმ უფლების ფარგლებში,რომლებიც გაგაჩნიათ, არაერთხელ გადადგით ნაბიჯი, რომელიც არცხვენს ქართველი ერის ღირსებას და არცხვენს ჩვენს სახელმწიფოს. არ ვიცი, გაძალებენ ასეთი საშინელი რაღაცების გაკეთებას, როგორიც იქნება კრიმინალების ციხიდან “უპრაგონოდ” გამოშვება თუ სხვა გადაწყვეტილებები, რომლებზეც ახლა არ მინდა ვილაპარაკო. თუ თქვენი ნებით აკეთებთ ამას, მინდა ერთი რჩევა მოგცეთ, რადგან საზღვარი არ უჩანს ჩვენს უბედურებას, რადგან ყველაფერი, რასაც გიბრძანებენ, როგორც ჩანს, ასრულებთ, ვიდრე კიდევ ერთი უბედურება არ დაგვმართეს, მაგალითად, არ ჩამოიყვანეს კრიმინალი მიხეილ სააკაშვილი და არ მოგვცეს ბრძანება, შეიწყალოს ის, ან მსგავსი სიგიჟე გააკეთოთ, ხომ არ სჯობს, რომ დაანახოთ ხალხს, რომ თქვენც გაქვთ ღირსება, რომელსაც ხალხი თქვენგან ელოდება და წინ აღუდგეთ ამას იმით, რომ გადადგეთ დაკავებული თანამდებობიდან და აღარ შეირცხვინოთ ასე თავი ქვეყნისა და ერის წინაშე”, – განაცხადა ვასაძემ.

იპნ

Next Post

სროლა თბილისში – თავდამსხმელმა ცეცხლი მოძრავი ავტომობილიდან მეორე ავტომობილის მიმართულებით გახსნა

კვი მაი 16 , 2021
213 Viewsსროლა იყო დღეს თბილიში – დაჭრილია ახალგაზრდა კაცი. როგორც თვითმხილველები ყვებიან, ცეცხლი მოძრავი მანქანიდან მეორე ავტომობილში მყოფი პირის მიმართ განხორციელდა. მათივე განცხადებით, იყო რამდენიმე გასროლა. მომხდართან დაკავშირებით დაწყებულია გამოძიება.

mediapress.ge@gmail.com