„საზოგადოებამ უნდა იცოდეს რა კრიტერიუმებით, რა ტიპის დანაშაულებზე, რა გარემოებებში იღებს პრეზიდენტი გადაწყვეტილებას“ – აცხადებს „ევროპული საქართველოს“ ერთ-ერთი ლიდერი გიგა ბოკერია, მისი თქმით, ამ თვალსაზრისით დღევანდელმა პრეზიდენტმა ნაბიჯი გადადგა უკან, იმიტომ რომ იქამდე ეს უფრო მოწესრიგებული იყო.
„ამ ადამიანმა გააუქმა ეს სტრუქტურაც და მერე შემთხვევით გავიგეთ, რომ ამ ტიპის სკანდალური გადაწყვეტილება მიიღო. ყველაზე სამარცხვინო ამბავი იყო და ივანიშვილის გუნდს ზოგადად ეს ახასიათებს, ივანიშვილის ამ რჩეულსაც, ქალბატონ ზურაბიშვილს, რომ როცა აღმოჩნდა, ერთ-ერთი შეწყალებულის მსხვერპლი იყო მათი აქტიური მხარდამჭერი, მათ შორის მისი კამპანიის მხარდამჭერი ცნობილი ოჯახიდან, ზურაბიშვილმა ჩათვალა, რომ ამ ოჯახისთვის უნდა მოებოდიშებინა და ეთქვა, რომ არ იცოდნენ და გამოეპარათ. ანუ ეს ადამიანი გამოარჩიეს და სხვები არ აინტერესებთ. აი ასეთი უტიფარი, საბჭოთა ჭაობის მენტალიტეტის პრეზიდენტი გვყავს სამწუხაროდ”