დღეს პარლამენტის საშემოდგომო სესია იხსნება

264 წაკითხვა

დღეს პარლამენტის საშემოდგომო სესია იხსნება. პირველი პლენარული სხდომა ტრადიციულად პოლიტიკური განცხადებებით გაიხსნება, რის შემდეგაც 2021 წლის ბიუჯეტის შესრულების ანგარიშს მოუსმენენ. 6 სექტემბრის სხდომაზე სავარაუდოდ, ლევან ვარშალომიძისთვის პარლამენტის წევრის უფლებამოსილების ვადამდე ადრე შეწყვეტის საკითხსაც განიხილავენ და კენჭს უყრიან.

მიმდინარე კვირაში პარლამენტი ომბუდსმენის შერჩევის პროცესთან დაკავშირებით რეგლამენტში ცვლილებების პროექტს, ასევე ე.წ.მოსმენების კანონზე პრეზიდენტის ვეტოს განიხილავს (პრეზიდენტის მოტივირებული შენიშვნები უკვე განიხილა იურიდიულ საკითხთა კომიტეტმა და მხარი არ დაუჭირა). ამავე კვირაში დაგეგმილია 5 ანგარიშის მოსმენა. ბიუჯეტის შესრულების ანგარიშის შემდეგ, 7 სექტემბრის სხდომაზე, კომუნიკაციის კომისიის 2020 წლის ანგარიშის მოსმენა იგეგმება, ამავე დღეს მოუსმენენ, ასევე, საზოგადოებრივი მაუწყებლის 2021 წლის ანგარიშსაც, 8 სექტემბერს კი ეროვნული ბანკის 2021 წლის ანგარიშს, ასევე კონკურენციის სააგენტოს 2021 წლის ანგარიშს განიხილავენ.

აღსანიშნავია, რომ საშემოდგომო სესიის ფარგლებში, პარლამენტს რამდენიმე საკადრო გადაწყვეტილების მიღება მოუწევს – კვლავ ასარჩევია ცესკოს თავმჯდომარე და ცესკოს პროფესიული წევრები, ასევე ახალი სახალხო დამცველი.

გარდა ამისა, საშემოდგომო სესიაზე მმართველი გუნდი საკონსტიტუციო ცვლილებების მიღების ინიციატივით გამოდის და პარლამენტს გენერალური პროკურორის 90-ხმიანი კვორუმით არჩევას სთავაზობს.

კომენტარის დატოვება

თქვენი ელფოსტის მისამართი გამოქვეყნებული არ იყო.

Next Post

საპარლამენტო ოპოზიციის დეპუტატები „საერთო სასამართლოების შესახებ“ ორგანულ კანონში ცვლილებების წინააღმდეგ საკონსტიტუციო სარჩელს ამზადებენ

ხუთ სექ 8 , 2022
264 წაკითხვასაპარლამენტო ოპოზიციის დეპუტატები „საერთო სასამართლოების შესახებ“ ორგანულ კანონში განხორციელებული ცვლილებების შესახებ საკონსტიტუციო სარჩელს ამზადებენ. დეპუტატების და სამართლის ექსპერტების მონაწილეობით დღეს საქართველოს პარლამენტში სარჩელთან დაკავშირებით სამუშაო შეხვედრა გაიმართა. შეხვედრაში მონაწილეობდნენ დეპუტატები: ანა ნაცვლიშვილი, თამარ კორძაია, პაატა მანჯგალაძე, ლევან ბეჟაშვილი, ანა ბუჩუკური. საკონსტიტუციო სარჩელის წარდგენის უფლებამოსილება მინიმუმ 30 დეპუტატს აქვს, ინიციატორი დეპუტატების განცხადებით, სარჩელზე ხელმოწერასთან დაკავშირებით მათ კონსულტაციები აქვთ საპარლამენტო ოპოზიციის ყველა წარმომადგენელთან […]

შესაძლოა მოგეწონოთ