ყოფილი „ყაზტრანსგაზი“-ს და ამჯერად „თბილისი ენერჯი“-ს აბონენტებს, რომელთა მარტის თვის ბუნებრივი გაზის ხარჯი შეადგენდა 200 და ნაკლებ კუბურ მეტრს და უკვე დაფარეს გადასახადი, მთავრობის მიერ დაფინანსებული თანხა აესახებათ სააბონენტო ბარათებზე და გამოყენებული იქნება მომდევნო პერიოდის დავალიანების დასაფარად.
ხოლო იმ მომხმარებლებს, რომლებსაც მარტის თვის გადასახადი (ხარჯი შეადგენდა 200 და ნაკლებ კუბურ მეტრს) და ამ დრომდე დაფარული არ აქვთ, არ მოეთხოვებათ მისი გადახდა, შესაბამისად, ბუნებრივი გაზით მომარაგება არ შეუწყდებათ.
ასევე გასათვალისწინებელია, რომ თუ მომხმარებელი მომდევნო თვეებში 201 მეტ კუბურ მეტრს გაზს მოიხმარს, 200 კუბურ მეტრს დაფარავს მთავრობა, ხოლო დანარჩენს აბონენტი. აღნიშნული არ ეხებათ არასაყოფაცხოვრებო მომხმარებლებს და ისინი მოხმარებული ბუნებრივი გაზის საფასურს ფარავენ სრულად.
