„გიორგი გახარია ნაციონალების თამაშს თამაშობს“ – მამუკა მდინარაძე

941 წაკითხვა

მამუკა მდინარაძე სოციალურ ქსელში წერს:

“მათთვის, ვინც ჯერ კიდევ ვერ გაერკვა, ვის მოედანზე თამაშობს გიორგი გახარია:

1. “ქართული ოცნების” პრემიერ-მინისტრი, მისი(ვე) განცხადებით, გადადგა იმიტომ, რომ ნაციონალური მოძრაობის თავმჯდომარის დაკავება ვერ გადაავადა.

2. უკიდურესად დაძაბული და კრიტიკული ვითარების დროს, ეს არ შედიოდა არც სახელმწიფოს, არც “ქართული ოცნების” ინტერესებში და კიდევ უფრო ამძაფრებდა სიტუაციას.

3. მისი გადადგომა აწყობდა მხოლოდ ნაციონალურ მოძრაობას. მათი რეაქციებიც ამასვე მოწმობდა.

4. თავისი ქმედებით მან საკუთარი გუნდი უდიდესი დარტყმის ქვეშ დააყენა.

5. მისგან დღემდე არ მოგვისმენია რეალური, რაციონალური, დამაჯერებლობის მინიმალური ხარისხის არგუმენტიც კი, – რას შეცვლიდა მელიას დაკავების 2-3 დღით გადადება.

მხოლოდ ორი ვარიანტია:

ეს ყველაფერი ვერ გაანალიზა, შეეშინდა და საკუთარი გუნდი ამიტომ მიატოვა ან შეგნებულად ითამაშა ნაციონალური მოძრაობის თამაში და უღალატა საკუთარ გუნდს.

პირადად ჩემთვის (არსებული უტყუარი და ლოგიკური ინფორმაციების გარეშეც კი) პასუხი მარტივია…

რაც შეეხება მომავალს – გახარია იბრძვის იმისთვის, რომ თვითმმართველობის არჩევნებზე:

რამდენიმე დეპუტატი გაიყვანოს რამდენიმე რაიონის საკრებულოში ან ქართული ოცნება ჩამოაცილოს 43 პროცენტიან მაჩვენებელს, – ანუ აქაც ნაციონალური მოძრაობის თამაში ითამაშოს.

პასუხი ამ შემთხვევაშიც მარტივია:

წარმოუდგენელია ნაციონალებისთვის გადამდგარი გახარიას მისია მისი პარტიის რამდენიმე წარმომადგენლის საკრებულოს წევრობა იყოს”.

Next Post

რუსთავში კაზინოში გამარჯვებულს 300.000 არ მისცეს

კვი ივნ 6 , 2021
941 წაკითხვარუსთავში, დეპუტატ ისკო დასენის კუთვნილ კაზინო 777-ში მოქალაქემ ჯეკპოტი მოიგო, თუმცა კუთვნილი 300 ათასი ლარი მას არ მისცეს. თანხის მოთხოვნის შემდეგ დაცვამ მას სცემა და დაწესებულებიდან გამოაგდო. კლუბის წარმომადგენლები ამტკიცებენ, რომ პროგრამამ გაჭედა  და მომხმარებელს  რეალურად არანაირი თანხა არ მოუგია. ბაირამოვი ამბობს, რომ მას შემდეგ რაც მასზე დაცვის სამსახურის წევრებმა იძალადეს, დასახმარებლად პოლიციას მიმართა. თუმცა მისი თქმით, პოლიციას ამ დრომდე შიდაკადრებიც კი […]