ინგა გრიგოლიას გადაცემა „რეაქციაში“ გუბაზ სანიკიძემ სექსუალური უმცირესობების თემაზე ისაუბრა:
„რაც შეეხება სექსუალური უმცირესობის თემს, მე კანონმდებლობით ვალი მაქვს მოხდილი მათი უფლებების დასაცავად და შესაბამისი კანონისთვის ხმა მაქვს მიცემული.
მე არ ვარ მათი მომხრე და მათი გულშემატკივარი და მე ნურავინ დამავალდებულებს, რომ პრაიდის თემი დავიცვა. მათი უფლება თუ ირღვევა, ეს ხელისუფლებას უნდა მოვკითხოთ.
ანტიდისკრიმინაციული კანონისთვის ხმის მიცემა ჩემთვის მძიმე გადაწყვეტილება იყო. ჩემს თავთან ომი მქონდა გამოცხადებული, იმიტომ, რომ არ ვარ მე მათი მომხრე. მე შეიძლება თანავუგრძნობდე, მაგრამ თანაგრძნობა თანადგომას არ ნიშნავს. უფლებების დაცვა მოსთხოვეთ პოლიციას და ხელისუფლებას. მათი უფლებები დასაცავია, მაგრამ ვისი უფლებების დაცული? და ასე ურიგოდ უფლებების დაცვაში ვერავის გავატარებთ.
ყველა უმცირესობამ დაიმახსოვრეთ: სანამ უმრავლესობის უფლებები არ იქნება გარანტირებული და დაცული, მანამდე არც იოცნებოთ თქვენი უფლებების დაცვაზე.
