„საინტერესო ამბები ხდება ქუთაისში, კორუფციასთან „მებრძოლი“ ხატია ხონ გახსოვთ, ქუთაისის მერობა რომ მოისურვა? მისი გუნდის წევრი არის ვინმე გიგა შუშანია, რომელიც საარჩევნო კამპანიაში აქტიურად არის ჩართული.
შუშანიას ბიოგრაფია კორუფციის კლასიკურ მაგალითს წარმოადგენს, შუშანია ნაციონალური მოძრაობის დროს ქუთაისში გარკვეულ თანამდებობებს იკავებდა, ხელფასის სახით კი საჯარო მოხელისთვის განკუთვნილ, სტანდარტულ ანაზღაურებას იღებდა. შუშანიამ მოახერხა და მოკრძალებული ხელფასით:
2012 წელს ნაკვეთი შეიძინა ზედა მესხეთში, – ერთი 6 ჰექტარი, მეორე 2 ჰექტარი.
2014 წელს თბილისში სახლი აიშენა (ჩიქოვანის 35 ნომერში, მანსარდა 110 კვადრატული მეტრი, საცხოვრებელი ფართი 135 კვადრატული)
2019 წელს კიდევ ერთი სახლი შეიძინა (თბილისი რესპუბლიკის ქუჩა 600 კვადრატული მიწა, 200 კვადრატული სახლი )
პარალელურად 2018 წელს საჯარო რეესტრს მიმართა, ვაზისუბანში არსებული მიწის ნაკვეთის დაკანონებას ითხოვდა.
სწორედ ასეთი კორუფციაში ჩაფლული, კარიერისტი ადამიანი არის ხატიას გვერდით და თუ მას კორუფციასთან ბრძოლა სურს შეუძლია საკუთარი გუნდელებით დაიწყოს, რადგან იქ ასეთი ბევრი არის.
ყოველივე ამის შემდეგ ვინმეს კიდევ სჯერა ხატიას გულწრფელობის? ეს ადამიანი მთელი თავისი ცხოვრება ორმაგი სტანდარტებით მოქმედებს, მუდამ იმასთან არის ვინც კარიერულად დაეხმარება, თუნდაც ავაკოვი ავიღოთ, რომელსაც მისი მამა მარჩენალი სააკაშვილი ებრძვის ეს კი მეგობრობს …. დეკანოიძის მსგავსი არათანმიმდევრული, კარიერისთვის მერობის კანდიდატად დასახელებაც კი ქუთაისის შეურაცხყოფაა”– წერს სოციალურ ქსელში “დემოკრატიული ცვლილებების ცენტრის ხელმძღვანელი დავით ჩიხელიძე.
