მწერალი ლაშა ბუღაძე მიიჩნევს, რომ ქართველი კაცი მოძალადეა. ამ პოსტით ის ეხმიანება მეტრაოსადგურ ისანში მომხდარ შემთხვევას, რა დროსაც, პოლიციელმა შეზღუდული შესაძლებლობის მქონე ახალგაზრდას (სმენის არმქონეს) სცემა.
„ქართველი კაცი მოძალადეა. უყვარს და სწორად მიიჩნევს სხვისთვის ტკივილის მინიჭებას. ასე გაზარდეს და ასე ესმის. და აზრი არ აქვს ამგვარ ინდივიდუალურ თავმომწონეობას, რომ “მე მოძალადე არ ვარ”, – კავკასიელი კაცების უმეტესობა მოძალადეა.
ამ ველური მილიციელის ბოროტება გვიკვირს? 5 ივლისს ადამიანები დღისით-მზისით სცემეს ტყის მეფე ღარიბაშვილის ბრძანებით და დღემდე არავინ დასჯილა, და არც არავინ დაისჯება. ხალხის უმრავლესობის რეაქცია კი ამ ვანდალიზმზე ან ფეხებზემკიდიური იყო ან ზე-ფეხებზემკიდიური. ასეთი დროა და ამ დროს ეს წესები აქვს.“– წერს ლაშა ბუღაძე.
