„კასპერსკის ლაბორატორიის“ გაშიფვრის ხელსაწყოების ჩამოტვირთვების კუმულაციური რაოდენობა, რომელიც ხელმისაწვდომია No More Ransom ინიციატივით და მისი სპეციალიზირებული No Ransom პორტალით, გადააჭარბა 360 000-ს. ეს უფასო ხელსაწყოები გვთავაზობენ გამოსასყიდი პროგრამების მსხვერპლთა მონაცემების აღდგენის ეფექტურ გადაწყვეტილებებს, რაც ხაზს უსვამს ერთობლივი ძალისხმევის მნიშვნელოვან გავლენას კიბერუსაფრთხოებაზე.
კომპანიის ცნობით, 2023 წლის ბოლოსთვის „კასპერსკის ლაბორატორიამ“ No More Ransom-ის ინიციატივაში მონაწილეობის მეშვიდე წლისთავი აღნიშნა. ამ პერიოდის განმავლობაში, კომპანიის უფასო გაშიფვრის ინსტრუმენტებზე წვდომა გაფართოვდა გამოსასყიდ პროგრამებთან ბრძოლის ვალდებულების შესაბამისად. ევროპოლის თქმით, ამ ხელსაწყოებმა, რომლებიც გამიზნულია გამსასყიდი პროგრამების 39 ოჯახზე, მნიშვნელოვანი როლი ითამაშა მსოფლიოში თითქმის 2 მილიონი მსხვერპლის დასახმარებლად, რაც ხაზს უსვამს „კასპერსკის ლაბორატორიის“ მიერ მხარდაჭერილი No More Ransom ინიციატივის ღრმა გავლენას.
No More Ransom პროგრამაში შეტანილი წვლილის გარდა, „კასპერსკის ლაბორატორიამ“ კიდევ უფრო გააძლიერა თავისი ვალდებულება საკუთარი ვებსაიტის No Ransom შექმნით. ეს არის ცენტრი, რომელიც უზრუნველყოფს რესურსებისა და ინსტრუმენტების ყოვლისმომცველ კომპლექტს გამომძალველ პროგრამებთან საბრძოლველად. პორტალი No Ransom „კასპერსკის ლაბორატორიამ“ გაუშვა 2015 წელს ჰოლანდიის ეროვნულ პოლიციასთან თანამშრომლობით და მას შემდეგ გადაიზარდა მსოფლიო ინიციატივად, რომელიც ეხმარება ადამიანებს უფასოდ.
„კიბერ საფრთხეების განვითარებასთან ერთად, საჯარო და კერძო სექტორებს შორის თანამშრომლობა სულ უფრო მნიშვნელოვანი ხდება.
No More Ransom და „კასპერსკის ლაბორატორიის“ პორტალი No Ransom გვიჩვენებენ, როგორ შეიძლება კოლექტიური ძალისხმევით მნიშვნელოვანი ცვლილების მოხდენა მსხვერპლთა დახმარებისა და პრევენციული რჩევების მიწოდების საქმეში. გარდა ამისა, მომხმარებლებისთვის ძალზე მნიშვნელოვანია იმის გაგება, რომ კიბერკრიმინალებისთვის გამოსასყიდის გადახდა არასოდეს გამოსავალი არ არის.
ამის ნაცვლად, ჩვენ მტკიცედ მოვუწოდებთ კერძო პირებსა და ორგანიზაციებს, დაეყრდნონ ხელმისაწვდომ გაშიფვრის ხელსაწყოებს და რესურსებს, რომლებიც უზრუნველყოფილია ერთობლივი ძალისხმევით, რაც მათ საშუალებას აძლევს აღადგინონ თავიანთი მონაცემები მატერიალური დანაკარგების გარეშე“, – აღნიშნავს „კასპერსკის ლაბორატორიის“ უსაფრთხოებისა და გლობალური საფრთხის უფროსი მკვლევრი ჯორნ ვან დერ ვიელი.
თავისი ისტორიის მანძილზე კომპანია ჩამოყალიბდა, როგორც ინიციატივების შემქმნელი, რათა უზრუნველყოს უფასო დახმარება კიბერშეტევების წინააღმდეგ ბრძოლაში. No More Ransom-ის თანადამფუძნებლობამდე და პორტალ No Ransom-ის გაშვებამდე, „კასპერსკის ლაბორატორიამ“ 2008 წელს წამოიწყო გამოსყიდვის საწინააღმდეგო საერთაშორისო ინიციატივა Stop Gpcode.
გამოსასყიდი პროგრამა არის მანვე პროგრამული უზრუნველყოფა, რომელიც შიფრავს მომხმარებლის მონაცემებს და ითხოვს გამოსასყიდს მისი აღდგენისთვის (და/ან არ გამჟღავნებისთვის). კიბერკრიმინალები აგრძელებენ გამოსასყიდი პროგრამების ახალი მოდიფიკაციების დანერგვას საგანგაშო სიჩქარით: მხოლოდ 2023 წლის ოქტომბერში „კასპერსკის ლაბორატორიამ“ გამოავლინა 4000-ზე მეტი ახალი გამოსასყიდი პროგრამა, რაც 2,5-ჯერ მეტია ვიდრე 2022 წლის ნოემბერში (1602). ეს ხაზს უსვამს იმას, რომ ძლიერი დაცვის ზომები მუდამაა მნიშვნელოვანი
