სალომე ზურაბიშვილი ნიკა გვარამიას უჩივის

1,943 წაკითხვა

ჟურნალისტური ეთიკის ქარტიის განცხადებით, მათ პრეზიდენტის ადმინისტრაციამ მიმართა „მთავარი არხის“ დირექტორის, ნიკა გვარამიას წინააღმდეგ და მოითხოვა, რეაგირება ჰქონოდათ გვარამიას პირად ფეისბუქგვერდზე გამოქვენებულ პოსტთან დაკავშირებით. ქარტიის განცხადებით, ადმინისტრაციის წერილში ეწერა, რომ 11 დეკემბერს გვარამიამ “შეურაცხმყოფელი და ყოვლად მიუღებელი” პოსტი გამოაქვეყნა პრეზიდენტზე.

ქარტიაში ამბობენ, რომ გვარამიას ფეისბუქზე გამოქვეყნებული პირადი მოსაზრება არ არის მედიაპროდუქტი, ქარტია კი თვითრეგულირების ორგანოა, რომელიც დადგენილი სტანდარტებით მედიაპროდუქტის ეთიკურობას აფასებს — შესაბამისად, ამ პოსტს ვერ შეაფასებენ. გარდა ამისა, ქარტიაში აცხადებენ, რომ კრიტიკულად მნიშვნელოვანია საჯარო სივრცეში დაცული იყოს აზრისა და გამოხატვის თავისუფლება.

“აუცილებელია, შევინარჩუნოთ გამოხატვის თავისუფლების ის მაღალი სტანდარტი, რომელსაც ადგენს სიტყვისა და გამოხატვის თავისუფლების შესახებ საქართველოს კანონი”, — აცხადებენ ისინი.

Next Post

თბილისის ზღვაზე მანქანაში ცხედარი იპოვეს

შაბ დეკ 19 , 2020
1,943 წაკითხვათბილისის ზღვის ტერიტორიაზე მანქანაში ცხედარი იპოვეს. სამართალდამცველებს მანქანის შემოწმება მას შემდეგ გადაწყვიტეს, რაც მიიჩნიეს, რომ ის ზღვასთან საეჭვოდ დიდი ხნის განმავლობაში იდგა. მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. სხვა დეტალები ამ დროისთვის უცნობია.