823 წაკითხვა
რამდენიმეწლიანი პაუზის შემდეგ, პოლიტიკურ ველზე „სახალხო პარტია“ კვლავ გამოჩნდა. მცირე წინასაარჩევნო მომზადების მიუხედავად, პარტიის მიერ, 2021 წლის თვითმმართველობის არჩევნებში მიღებული შედეგები ასეთია:
მე-3 ადგილი ლენტეხი – 9,14%
მე-3 ადგილი დედოფლისწყარო 4,25%
მე-4 ადგილი ჩოხატაური 3,03%
მე-4 ადგილი ოზურგეთი 2,42%
„ქვეყანაში გამეფებული ორპოლუსიანი კლანური მმართველობის, არათანაბარი საარჩევნო გარემოს, პოლიტიკაში დიდი ფულის დომინირების ფონზე, ჩვენ მაინც მოვნახეთ ძალები ჩვენს თავში და ისევ შევეჭიდეთ საქართველოს აღმშენებლობის რთულ და საპასუხისმგებლო საქმეს.
მადლობა თითოეული ხმისთვის, ჩვენო თანამებრძოლებო. თქვენი მხარდაჭერით სახალხო პარტია ისევ ფეხზე დგას და ემზადება თავისი კუთვნილი ადგილის დასაბრუნებლად პოლიტიკურ სივრცეში.
თქვენმა მხარდაჭერამ ჩვენ ისევ დაგვიბრუნა ბრძოლის ძველი ჟინი, შეგვმატა ახალგაზრდა და ენერგიული თანამებრძოლები.
სახალხო პარტია დაბრუნდა!“ – ნათქვამია პარტიის მიერ გავრცელებულ განცხადებაში.