ლევან ხაბეიშვილი – ქვების სროლით ევროკავშირში არ გველოდებიან

172 წაკითხვა

პრეზიდენტ მიხეილ სააკაშვილთან ევროკავშირის სამედიცინო მისიის შესვლასთან დაკავშირებით, ევროკავშირის ელჩს მადლობა გადავუხადე, ის პირადად იყო ჩართული ამ საქმეში, – ამის შესახებ „ნაციონალური მოძრაობის” თავმჯდომარემ, ლევან ხაბეიშვილმა ევროკავშირის ელჩთან, პაველ ჰერჩინსკისთან შეხვედრის შემდეგ განაცხადა.

ხაბეიშვილის თქმით, ევროკავშირის ელჩთან შეხვედრაზე საუბრის თემა ასევე იყო ევროკავშირის წევრობის კანდიდატის სტატუსი და ის, თუ რა სჭირდება საქართველოს კანდიდატის სტატუსის მისაღებად.

ამასთან, ხაბეიშვილის თქმით, ელჩი საქმის კურსში ჩააყენა იმ ინციდენტების შესახებ, რომელსაც ადგილი ჰქონდა მოსახლეობასთან შეხვედრისას.

„მინდა მადლობა გადავუხადო პოლონეთის საელჩოს და იმ ადამიანებს, რომლებმაც უზრუნველყვეს, ოთხი თვის დაგვიანებით, ევროკავშირის სამედიცინო მისიის შესვლა მიხეილ სააკაშვილთან. ცხადია, შეხვედრაზე ასევე ვისაუბრეთ კანდიდატის სტატუსზე და იმაზე, თუ რა სჭირდება ჩვენს ქვეყანას კანდიდატის სტატუსის მისაღებად. ჩვენ გავაგრძელებთ პენსიონერებზე ზურნვას, მათთან შეხვედრებს. ხვალ, მარტვილში „კაგებეშნიკის“ ოჯახში გაზრდილ, ირაკლი კობახიძის დაორგანიზებულ ტუტუშკებს ველოდები. დარწმუნებული ვარ, იქაც მოვარდებიან პენსიონერებთან და აუცილებლად ესვრიან ქვებს. ჩვენ არ გვაშინებს, არც ფიზიკური დაპირისპირება, არც ჩვენი ქვეყნისთვის ბრძოლა. საპენსიო რეფორმასთან დაკავშირებით ყველა სოფელში და ქალაქში გვექნება შეხვედრები. ველოდებით ტიტუშკებს ქვებიანად. კარგად იცოდნენ, რომ არავის ეშინია, მათავრია რომელიმე მოსული პენსიონერი არ დაშავდეს.

მოდი პირდაპირ ვთქვათ, რომ ქვების სროლით ევროკავშირში არ გველოდებიან. დღევანდელ შეხვედრაზე ასევე საუბარი გვქონდა მიშა მშვილდაძის ცემაზე, რომელიც სუს-მა დაგეგმა და უზრუნველყო. საუბარი გვქონდა ზურა ჯაფარიძის ცემაზეც. ასევე საუბარი ლევან ბერძენიშვილის ცემის ფაქტზე. ევროკავშირის ელჩი ყველაფერის შესახებ საქმის კურსში ჩავაყენეთ”, – განაცხადა ხაბეიშვილმა.

Next Post

რეჯეფ თაიფ ერდოღანი აცხადებს, რომ ის და პუტინი „ერთ აზრზე“ არიან შავი ზღვის მარცვლეულის დერეფნის გაფართოებაზე

პარ ივლ 14 , 2023
172 წაკითხვათურქეთის პრეზიდენტის რეჯეფ თაიფ ერდოღანის განცხადებით, პუტინი მასთან “ერთ აზრზეა” მარცვლეულის ინიციატივის გაგრძელებაზე. თურქეთის პრეზიდენტის სიტყვები თურქულ გამოცემა Daily Sabah-ს მოჰყავს. ერდოღანმა აღნიშნა, რომ პუტინი მასთან “ერთ აზრზეა,” რომ მარცვლეულის ინიციატივის მოქმედების ვადები უნდა გაგრძელდეს. “აგვისტოში თურქეთში პუტინის შეხვედრისთვის ვემზადებით. ერთსა და იმავე აზრზე ვართ შავი ზღვის მარცვლეულის დერეფნის გაფართოებაზე”, – განაცხადა ერდოღანმა. თურქეთის პრეზიდენტმა იმედი გამოთქვა, რომ გაერო-სა და […]

შესაძლოა მოგეწონოთ