„ყოველდღე რეკავდა და შველას ითხოვდა…”- რუსთავში მამაკაცი გარდაიცვალა

801 Views

რუსთავში, მე-12 მიკრორაიონში, საკუთარ საცხოვრებელ ბინაში მამაკაცი გარდაიცვალა, მისი მეუღლე კი მძიმე მდგომარეობაში კლინიკაშია გადაყვანილი. ინფორმაციას ამის შესახებ „ინფორუსთავი“ ავრცელებს.

სააგენტოს ქეთევან გიორგაძე უყვება, რომ ცოლ-ქმარს რამდენიმე დღის განმავლობაში ვირუსისთვის დამახასიათებელი სიმპტომები აღენიშნებოდა.

„10 დღეა ეს ადამიანები არიან ცუდად. ქალს ჰქონდა სიცხე და ყელის ტკივილი. მერე ამას აღარ ჰქონდა სიცხე და მითხრა, ჩემს მეუღლეს აქვსო, 39.7 უფიქსირდება და ვერ ვუგდებთ ტემპერატურასო. ეს გაგრძელდა მთელი შვიდი დღე. ყოველდღე რეკავდა და შველას ითხოვდა. მოვიდა სასწრაფო, გადაიყვანეს, გაუკეთეს ტესტირება და არ არის კოვიდიო უთხრეს. ამის შემდეგ ერთი დღე გავიდა და გარდაიცვალა ეს მამაკაცი. ეს ქალბატონი კი სასუნთქ აპარატზე ჰყავთ შეერთებული ახლა. ბოლოს რომ დავურეკე მითხრა, უკვე იმდენად მძიმედ ვარ შეიძლება ვეღარ გიპასუხოო“, – აცხადებს ქეთევან გიორგაძე.

მეზობლები კორპუსის დეზინფიცირებაში დახმარებას ითხოვენ და აცხადებენ, რომ გარეთ გამოსვლა მათთვის საშიშია.

„ვითხოვთ დეზინფექციას. ჩემს სართულს მე ვუვლი, მაგრამ აქ თუ კოვიდი დაფიქსირდა, ამას სხვანაირი მიხედვა სჭირდება, რასაც ჩვენ ვერ შევძლებთ. რამენაირად უნდა დაგვეხმარონ”, – განაცხადა ქეთევან გიორგაძემ.

„ინფო რუსთავის“ ინფორმაციით, გარდაცვლილი მამაკაცი 65 წლამდე იყო, მისი მეუღლე კი 55 წლისაა.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Next Post

„დაიტანჯა დღეს ერთი არხი ბიძინა ივანიშვილის ქონების დათვლით“ - ამირან სალუქვაძე

კვი ნოე 22 , 2020
801 Views ამირან სალუქვაძის პოსტი ფეისბუქში: დაიტანჯა დღეს ერთი არხი ბიძინა ივანიშვილის ქონების დათვლით. ბლუმბერგმა რა გამოაქვეყნა არ ვიცი, ახლა ვნახე ფორბსზე, 21 ნოემბრის მდგომარეობით, ბიძინა ივანიშვილის ქონება, რომელიც შეადგენს 4,88 მილიარდ დოლარს. ივანიშვილს რომ უთვლით ქონებას, რომელიც 8 წლის წინ ხელისუფლებაში დაახლოებით 5,5-6,5 მილიარდით მოვიდა ხან უმცირდება, ხან ეზრდება და ისევ მაგ ნიშნულზეა, იმ პოლიტიკოსების ან ყოფილი ჩინოვნიკების ქონებები […]

mediapress.ge@gmail.com