გაბრიელიუს ლანდსბერგისი – „ვაგნერის“ ყოფნა ბელარუსის ტერიტორიაზე უსაფრთხოების რისკებს შეიცავს და ამისთვის მისი ქვეყანა მზად უნდა იყოს – ის, რომ დასავლეთის დაზვერვას „თვალები“ აქვს ყველგან და ყველაფერს ხედავს, არაფერს ნიშნავს

302 წაკითხვა

ლიეტუვას საგარეო საქმეთა მინისტრის, გაბრიელიუს ლანდსბერგისის განცხადებით, კერძო სამხედრო კომპანია „ვაგნერის“ ყოფნა ბელარუსის ტერიტორიაზე უსაფრთხოების რისკებს შეიცავს და ამისთვის მისი ქვეყანა მზად უნდა იყოს.

მისივე თქმით, „ვაგნერი“ საფრთხის დამატებითი ფაქტორია, რომელიც არასტაბილურობას ქმნის და უსაფრთხოების მდგომარეობის გაუარესებას იწვევს.

“ყველა ის არგუმენტი, რომ დასავლეთის დაზვერვას „თვალები“ აქვს ბელარუსშიც და რუსეთშიც, რომ ყველაფერს ხედავენ და ჩვენ შეიძლება მშვიდად ვიყოთ, რადგან არაფერი მოხდება უეცრად, არაფერს ნიშნავს… „ვაგნერის“ მაგალითზე ვხედავთ, რომ რაღაცები უეცრად ხდება “, – განაცხადა ლანდსბერგისმა.

ლიეტუვას საგარეო საქმეთა მინისტრმა ასევე აღნიშნა, რომ, შესაძლოა, ამ დაჯგუფებაზე კონტროლი არც რუსეთს და არც ბელარუსს ჰქონდეს.

“ეს ორი არასტაბილური ქვეყანაა და ძნელია იმის თქმა, თუ რამდენად აკონტროლებენ ისინი ამ კერძო არმიებს და რას მოაწყობენ”, – დასძინა ლანდსბერგისმა.

Next Post

იუსტიციის სახლში ევაკუაცია ასაფეთქებელი ნივთიერების არსებობის შესახებ ანონიმური შეტყობინების საფუძველზე გამოცხადდა

ოთხ აგვ 2 , 2023
302 წაკითხვათბილისის იუსტიციის სახლში, ასაფეთქებელი ნივთიერების არსებობის შესახებ ანონიმური შეტყობინების საფუძველზე, ევაკუაცია გამოცხადდა. ამის შესახებ განცხადებას იუსტიციის სახლი ავრცელებს. მათივე ცნობით, თბილისის ცენტრალური იუსტიციის სახლში სამუშაო პროცესის შეფერხების გამო, მზა დოკუმენტების მიღება შესაძლებელია 17:00 საათიდან თბილისის ცენტრალური იუსტიციის სახლის ავტოსადგომზე განთავსებული მობილური იუსტიციის სახლის მიკროავტობუსებიდან. „მომსახურების მიღება, ასევე, შესაძლებელია თბილისის ვარკეთილისა და გლდანის იუსტიციის სახლებიდან. თბილისის იუსტიციის სახლში, ასაფეთქებელი ნივთიერების არსებობის […]

შესაძლოა მოგეწონოთ