საწვავის გაძვირების საწინააღმდეგო აქციაზე პოლიციამ 10-მდე პირი დააკავა

608 წაკითხვა

დღეს თბილისში მოქალაქეებმა საწვავის გაძვირება გააპროტესტეს. გმირთა მოედანთან შესასვლელ ერთ-ერთ ესტაკადაზე აქციის მონაწილეებსა და სამართალდამცველებს შორის ფიზიკური დაპირისპირება მოხდა. აქციის მონაწილეები ცდილობდნენ ავტომობილების მძღოლებისთვის გზა ჩაეკეტათ, რის საშუალებასაც პოლიცია არ აძლევდა.

საბოლოოდ სამართალდამცველებმა გზის სავალი ნაწილის გათავისუფლება მოახერხეს და მოძრაობა აღდგა. მოქალაქეებმა, რომლებიც საწვავზე ფასებს აპროტესტებენ, მსვლელობა რესპუბლიკის მოედნიდან დაიწყეს, რის შემდეგაც პარლამენტთან შეჩერდნენ, შემდეგ კი, გმირთა მოედანზე გადაინაცვლეს, სადაც ესტაკადები ჩაკეტეს.. ადგილზე საავტომობილო მოძრაობა დროებით პარალიზებული იყო.

დღევანდელი აქციის ორი მთავარი მოთხოვნა საწვავზე აქციზის გადასახადის გაუქმება და დღგ-ს გადასახადის მცურავ რეჟიმზე გადაყვანაა, რაც აქციის მონაწილეების განცხადებით, 80ი-90ი თეთრით გააიაფებს საწვავის ფასს.

პრაიმტაიმი

 

Next Post

„ამ სახიფათო თამაშში ერთად ხომ არ მოქმედებთ ბიჭებო?“ - ლევან ნიკოლეიშვილი

კვი მარ 27 , 2022
608 წაკითხვა„კიდევ ერთხელ სიფრთხილე და გონიერება გვმართებს ყველას“- წერს ექსპერტი ლევან ნიკოლეიშვილი Facebook-ზე. „ ვიდეო ვრცელდება სადაც დონბასის თვითაღიარებული რესპუბლიკის სამხედრო ჩინი გვიყვება, რომ ფორმაზე ქართული გვარი აწერია, ამ ფორმის პატრონი საქართველოდან ჩამოვიდა და მოკლეს. • რის საფუძველზე ამტკიცებს რომ მაინცდამაინც საქართველოდან ჩავიდა ამ ფორმის პატრონი? • ქართული გვარის მქონეები უკრაინაშიც ცხოვრობენ და რუსეთშიც; . საერთოდ ცოცხალი თუ მკვდარი ფორმის […]